Muqdisho (Dawan) – Baabul Mandab, halbowlaha isku xira Badda Cas iyo Gacanka Cadmeed, ayaa mar kale noqday goob istiraatiiji ah oo ay ku loolamayaan quwadaha gobolka, iyadoo Soomaaliya ay ka dhex aragtay waddo ay kaga falcelin karto dhaqdhaqaaqyada Israa’iil ee la xiriira aqoonsiga Somaliland.
Inkastoo Soomaaliya aysan si toos ah u maamulin marinka Baabul Mandab, haddana juqraafi ahaan waxay ku taallaa meel lagu tilmaami karo “waddada labaad”, taas oo ka dhigaysa dal si dadban u saameyn kara sahayda Israa’iil, gaar ahaan tan ka timaadda Aasiya.
Sahayda Israa’iil ee ka timaadda Aasiya (sida Hindiya iyo Shiinaha) ayaa mara Badweynta Hindiya, kadibna gasha Gacanka Cadmeed, halkaas oo Soomaaliya ay ka xigto dhanka waqooyi, si ay uga sii gudbaan marinka Baabul Mandab, uguna degaan dekadaha Haifa ama Ashdod.
