Soo raraya...
Maqaalka waa la soo dejinayaa...
Baarlamaanka Carabta ayaa muujiyay taageerada Soomaaliya, wuxuuna ugu baaqay beesha caalamka inay si cad uga hortagto tallaabooyinka halista ku ah madax-bannaanida dowladaha.
Qaahira (Dawan)- Baarlamaanka Carabta ayaa si kulul u cambaareeyay tallaabada Israa’iil ay ku magacawday safiir u qaabilsan Somalialnd.
Bayaan uu soo saaray Baarlamaanka Carabta ayaa lagu sheegay in tallaabadan ay tahay xadgudub cad oo ka dhan ah qawaaniinta caalamiga ah, isla markaana ay tahay faragelin si toos ah u beegsanaysa madaxbannaanida iyo midnimada dhuleed ee Soomaaliya.
Maqaallo la xidhiidha
Baarlamaanka Carabta ayaa sidoo kale adkeeyay diidmadiisa ku aaddan tallaabo kasta oo lagu taageerayo ama lagu sharciyeynayo gooni-u-goosad, ama lagu aqoonsanayo maamul aan sharciyad caalami ah haysan oo ka tirsan Soomaaliya.
Dhanka kale, Baarlamaanka Carabta ayaa muujiyay taageerada buuxda ee uu u hayo Soomaaliya, isaga oo ku bogaadiyay dadaallada ay ku difaacayso midnimadeeda, madaxbannaanideeda, iyo wadajirka dhulkeeda, isla markaana si cad u diiday faragelin kasta oo dibadeed oo lagu sameeyo arrimaheeda gudaha.
Ugu dambayn, Baarlamaanka Carabta ayaa ugu baaqay beesha caalamka inay qaadato mas’uuliyaddeeda, isla markaana ay si cad u cambaareyso falalka noocan oo kale ah ee halista ku ah amniga, xasilloonida, iyo madax-bannaanida dowladaha.
