Baydhabo (Dawan) – Taliska Booliska Gobolka Baay ayaa ku dhawaaqay bandow laga hirgelinayo magaalada Baydhabo maanta oo ku beegan 10-ka Juun, xilli xildhibaannada Golaha Wakiillada Koonfur Galbeed ay dooranayaan Madaxweynaha dowlad-goboleedka.
War-saxaafadeed ka soo baxay taliska booliska ayaa lagu sheegay in maalinta doorashada la xaddidi doono dhammaan dhaqdhaqaaqa gaadiidka iyo dadka lugaynaya ee gudaha magaalada, si loo xaqiijiyo amniga doorashada iyo nabadgelyada guud.
Booliska ayaa sheegay in bandowga laga reebay gaadiidka ciidamada amniga, mas’uuliyiinta dowladda, adeegyada gurmadka degdegga ah iyo basaska loo diyaariyay dadka safarka ah.
