Jabuuti (Dawan)- Jabuuti waxaa soo gaaray wafdi uu hoggaaminayo guddoomiye ku xigeenka Bariga Dhexe iyo Waqooyiga Afrika u qaabilsan Bangiga Adduunka. Wafdigan ayaa kulamo la yeeshay masuuliyiinta dowladda Jabuuti si ay uga wada hadlaan horumarinta dhaqaalaha iyo la dagaalanka saboolnimada.
Wasiirka Dhaqaalaha iyo Maaliyadda Jabuuti, Ilyaas Muuse, ayaa xafiiskiisa ku soo dhaweeyay guddoomiye ku xigeenka Bangiga Adduunka. Labada dhinac waxay ka wada hadleen sidii horumar ballaaran loogu samayn lahaa dhaqaalaha dalka, iyadoo Bangiga Adduunka uu ka taageerayo Jabuuti dhinacyo ay ka mid yihiin ballaarinta ilaha dhaqaale ee casriga ah, helidda biyo nadiif ah, waxbarasho, iyo caafimaad.
" Waxaan wada yeelan doonnaa wadahadallo ballaaran si aan kor ugu qaadno iskaashigeenna" ayuu ku yiri wasiir Ilyaas.