Jigjiga, 13-ka Janaayo 2026 ( Dawan)-Dowlad Deegaanka Soomaalida, iyo Bankiga Ganacsiga Itoobiya ayaa kala saxiixday heshiis lagu maalgelinayo beeraleyda iyo xoolo-dhaqatada, si loo xoojiyo wax-soosaarka beeraha, korna loo qaado sugidda cuntada iyo nolosha reer miyiga.
Heshiiskan, oo lagu saxiixay munaasabad ka dhacday caasimadda Jigjiga, ayaa fududeynaya nidaam amaah oo casri ah, kaas oo u oggolaanaya beeraleyda inay helaan deyn lagu horumarinayo wax-soosaarka dalagga, maareynta xoolaha, iyo adeegsiga farsamooyin cusub oo wax-ku-ool ah.
Mas’uuliyiinta labada dhinac ayaa sheegay in barnaamijkan uu wax ka qabanayo caqabadihii muddada dheer haystay beeraleyda, gaar ahaan helitaanka raasumaal maalgashi, taas oo hoos u dhigtay awoodda wax-soosaarka iyo dakhliga reer miyiga.
Madaxweyne ku-xigeenka Dowlad Deegaanka Soomaalida, Ibraahim Cismaan Faarax, ayaa heshiiskan ku tilmaamay “tallaabo istiraatiiji ah” oo lagu furayo awoodda dhaqaale ee bulshada ku tiirsan beeraha iyo xoolaha.
