Muqdisho (Dawan) — Ra’iisul Wasaaraha Soomaaliya, Xamsa Cabdi Barre, ayaa Cabdulqaadir Cumar Macallin u magacaabay Wasiirka Dekedaha iyo Gaadiidka Badda, sida uu shaaciyey Xafiiska Ra’iisul Wasaaraha. Go’aanka magacaabista ayaa lagu saleeyey qodobka 120-aad, farqadihiisa labaad iyo saddexaad, ee Dastuurka, iyadoo la tixgeliyey talada Madaxweynaha, aqoonta iyo waayo-aragnimada wasiirka cusub.
Macallin ayaa beddelaya Cabdulqaadir Maxamed Nuur (Jaamac), oo 10-kii Agoosto 2026 loo doortay Guddoomiyaha Golaha Shacabka, isaga oo helay 142 cod, halka Macallin, oo la tartamayey, uu helay 30 cod.