Muqdisho (Dawan)— Magaalada Muqdisho ayaa maanta lagu qabtay dood-cilmiyeed lagu falanqeeyay kaalinta doorashooyinka dowladaha hoose ay ku leeyihiin gogol-xaarka doorashooyinka qaranka Soomaaliya, iyadoo si gaar ah diiradda loo saaray waayo-aragnimada Gobolka Banaadir.
Kulanka oo ay soo qabanqaabisay Hay’adda Cilmi-baarista Hiddaha iyo Dhaqanka Gobolka Banaadir ayaa looga hadlay xiriirka ka dhexeeya doorashooyinka deegaanka, ka-qaybgalka muwaadiniinta iyo horumarinta dowlad-wanaagga.
Guddoomiyaha hay’adda, Cabdullaahi Sheekh Nuur, ayaa sheegay in ujeeddada dood-cilmiyeedku tahay dib-u-eegista waayo-aragnimadii hore ee doorashooyinka iyo ka faa’iidaysiga casharrada laga bartay si loo horumariyo hannaanka doorashooyinka.
