Dowlad Deegaanka Soomaalida oo Ansixiyay 1.28 Bilyan oo Birr oo Lagu Taageerayo Danyarta

Wasiirka Xafiiska Horumarinta Magaalooyinka iyo Dhismaha ee deegaanka, Axmed Shugri Cabdi, ayaa shir-guddoomiyay kulanka, waxaana ka qaybgalay mas’uuliyiinta toddobada xafiis ee xubnaha ka ah guddiga.

Xubnaha guddiga ayaa dib u eegay oo ansixiyay warbixinta waxqabadka mashruuca ee sannad-maaliyadeedka 2018-ka. Sidoo kale, waxay ka doodeen qorshaha sannadka xiga iyo sidii loo dardargelin lahaa hawlaha mashruuca, ka hor inta aysan ansixin qorshaha iyo miisaaniyadda cusub.

Wasiir-ku-xigeenka xafiiska, Injineer Cabdifataax Xaaji Cumar, ayaa kulanka kaddib warbaahinta uga warbixiyay qodobbadii laga hadlay iyo go’aannadii la ansixiyay. Qorshaha cusub ayaa taageerada dadka danyarta ah ee magaalooyinka ku salaynaya abuurista fursado shaqo iyo hawlo waxsoosaar oo loogu talagalay inay kor u qaadaan nolosha qoysaska ka faa’iidaysanaya mashruuca.