Imisa Account ayay Dowladda Soomaaliya ka xirtay Al-Shabaab tan iyo 2022 ?

Tiradaasi waxay wadarteedu noqoneysaa 233,000 bog oo ay wasaaraddu sheegtay in la xiray muddadaas.

“2026 oo aan weli dhammaan, waxaan xirnay 82,000 oo bog oo isugu jira Facebook, TikTok iyo Telegram,” ayuu yiri Cabdullaahi Xayir.

Agaasimaha ayaa sheegay in xubnaha Al-Shabaab ay inta badan u guuraan akoonno kale oo internet-ka ah marka la xiro bogaggooda, iyagoo adeegsanaya magacyo cusub iyo akoonno kale, taas oo uu sheegay inay adkeyneyso dadaallada lagu xakameynayo farriimaha kooxda ay ku faafiso internet-ka.

Waxa uu sidoo kale sheegay in xiritaanka bogaggaasi uu qayb ka yahay waxa uu ku tilmaamay “dagaalka fikirka” ee dowladda Soomaaliya kula jirto Al-Shabaab, iyadoo dowladda ay dadaallo kala duwan ku bixineyso xakameynta faafinta farriimaha kooxda ee baraha bulshada.

Si kastaba ha ahaatee, Wasaaradda Warfaafintu ma aysan soo bandhigin liis faahfaahsan, xogta bogagga la xiray ama warbixin madax-bannaan oo xaqiijinaysa tirada 233,000 ee ay sheegtay.

Tiradan ayaa sidaas darteed ah xog ay soo bandhigtay dowladda Soomaaliya, mana jirto xaqiijin madax-bannaan oo lagu caddeeyay tirada guud ee bogagga la xiray.