Immisa xarumood ayaa loo qorsheeyey codbixinta doorashooyinka Galmudug?

Xogta uu guddigu soo bandhigay ayaa muujinaysa in xarumaha codbixinta intooda badan laga hirgelin doono qaybo kala duwan oo ka tirsan degmada Cadaado iyo tuulooyinka ku xeeran, kuwaas oo door muhiim ah ka qaadan doona qabsoomidda doorasho hufan.

Guddiga Madaxa Bannaan ee Doorashooyinka Qaranka iyo Soohdimaha Soomaaliya ayaa sidoo kale bulshada uga digay faafinta natiijooyin ama xog aan rasmi ahayn, isagoo xusay in cid aan guddiga ka tirsanayn aysan sharci ahaan u fasaxnayn inay baahiso natiijooyinka doorashada, isla markaana tallaabo sharci ah laga qaadi doono cid kasta oo ku xadgudubta arrintaas.

War-saxaafadeedka ayaa intaa ku daray in guddigu uu si buuxda gacanta ugu hayo hubinta, isku-dubbaridka iyo ururinta codadka ka imanaya goobaha codbixinta, si natiijooyinka hordhaca ah loogu dhawaaqo si waafaqsan sharciga doorashooyinka, loona xaqiijiyo hufnaan, daahfurnaan iyo kalsooni guud oo lagu qabo geeddi-socodka doorashada.