Rome (Dawan) – Jabuuti iyo Barnaamijka Horumarinta Qaramada Midoobay (UNDP) ayaa ka wada hadlay xoojinta iskaashiga lagu taageerayo hirgelinta Qorshaha Horumarinta Qaranka ee ADEEG 2025–2030, sida ay maanta oo Talaadado ah baahisay Wakaaladda Wararka Dowladda Jabuuti (ADI).
Wasiirka Dhaqaalaha iyo Maaliyadda Jabuuti, Ilyaas Muuse Dawaleh, ayaa kulan la yeeshay mas’uuliyiinta UNDP ee Xarunta Rome, intii uu ku jiray booqasho shaqo oo lagu sahaminayay iskaashi farsamo iyo mid maaliyadeed oo lagu taageerayo mashaariicda ku jira qorshaha shanta sano ee horumarinta.
Wafdiga Jabuuti waxaa ka mid ahaa Safiirka Jabuuti u fadhiya Hay’adda Cuntada iyo Beeraha ee Qaramada Midoobay (FAO), Idriis Cabdi Cali, iyo Wakiilka Joogtada ah ee UNDP ee Jabuuti, Alessandra Roccasalvo.
Intii uu kulanku socday, Wasiir Ilyaas Muuse Dawaleh ayaa soo bandhigay mudnaanta dowladda ee qorshaha ADEEG, kuwaas oo ay ka mid yihiin kobcinta dhaqaalaha, warshadaynta, kala-duwanaanshaha ilaha dhaqaalaha iyo maamulka waara ee khayraadka dabiiciga ah.