Maqaalka waa la soo dejinayaa...

Soo raraya...

Jabuuti oo maalgelin u qoondeysay dhallinyarada billaabaya ganacsiyada | Dawan TV | Dawan TV

Jabuuti oo maalgelin u qoondeysay dhallinyarada billaabaya ganacsiyada

Barnaamijkan ayaa bixinaya deymo aan ribo lahayn si loogu taageero dhallinyarada billaabaya ama ballaarinaya ganacsiyada yaryar ee tuulada Mouloud.

July 21, 2026

2 daqiiqo akhris

Waxaa qoray Asha Elmi - Reporter

Jabuuti (Dawan) – Guddiga Horumarinta Tuulada Mouloud (CDM) ee Jabuuti ayaa bilaabay barnaamij tijaabo ah oo deymo yaryar oo aan ribo lahayn lagu siinayo dhallinyarada ganacsatada ah ee ku nool tuulada Mouloud, sida ay maanta baahisay Wakaaladda Wararka Dowladda Jabuuti (ADI).

Sida ay ADI sheegtay, Guddiga Horumarinta Mouloud (CDM) ayaa hirgeliyay barnaamijkan si loo dhiirrigeliyo hal-abuurka ganacsiga ee dhallinyarada loogana hortago shaqo la’aanta iyo saboolnimada ka jirta tuulada oo ku taalla gobolka Dikhil.

Barnaamijku wuxuu qof kasta oo ka faa’iideysta siinayaa deyn dhan 560 doollar (oo u dhiganta 100,000 oo faran Jabuuti ah) oo aan ribo lahayn, taas oo lagu bixinayo muddo 16 bilood ah. Lacagtaas waxaa loogu talagalay in lagu bilaabo ama lagu ballaariyo ganacsiyo yaryar oo dakhli soo saara.

Maqaallo la xidhiidha

4 saac kahor

Jabuuti oo qiimeysay mashaariicda beeraha ee uu taageerayo Bangiga Adduunka

4 saac kahor

Jabuuti iyo UNDP oo ka wada hadlay taageerada qorshaha horumarinta ADEEG 2025–2030

Wareeggii ugu horreeyay ee maalgelinta ayaa si rasmi ah loo daahfuray munaasabad ay ka qaybgaleen mas’uuliyiin heer gobol iyo heer degmo ah, oo ay ka mid ahaayeen Guddoomiyaha Gobolka Dikhil Xasan Cabdi Robleh, Guddoomiyaha Golaha Gobolka Mahad Xuseen Axmed, Guddoomiye-ku-xigeenka degmada Mouloud Muuse Axmed Ougoureh, iyo Guddoomiyaha Guddiga Horumarinta Mouloud (CDM) Maxamed Sougueh Barreh.

Mas’uuliyiinta ayaa sheegay in hindisahan uu yahay mashruuc tijaabo ah oo loogu talagalay in lagu dhiirrigeliyo ganacsiga gaarka loo leeyahay ee dhallinyarada, isla markaana lagu ballaariyo helitaanka maalgelinta ganacsiyada yaryar, sida ay ADI sheegtay.

Wakaaladda ayaa intaas ku daray in guddigu uu rajeynayo in mustaqbalka la ballaariyo barnaamijkan si dhallinyaro badan oo ganacsato ah ay u helaan maalgelin ay ku hirgeliyaan mashaariicdooda ganacsi.

Maqaallo kale oo aan kuu doorannay

4 saac kahor