Jabuuti (Dawan) – Jabuuti ayaa qiimeysay afar soo-jeedin oo maalgashi beeraha ah oo qayb ka ah Mashruuca Taageerada Silsiladaha Qiimaha ee Wax-soo-saarka Beeraha iyo Cuntada ee Adkeysiga Leh (FAR), kaas oo uu maalgelinayo Bangiga Adduunka, sida ay maanta oo Talaadado ah baahisay Wakaaladda Wararka Dowladda Jabuuti (ADI).
Sida ay ADI sheegtay, Wasiirka Beeraha, Biyaha, Kalluumeysiga iyo Xoolaha ee Jabuuti, Radwan Cabdillaahi Bahdoon, ayaa guddoomiyay kulan ay yeesheen guddiga xulashada mashruuca, kaas oo lagu qiimeeyay soo-jeedimo ay soo gudbiyeen maalgashadeyaal ka kala yimid gobollada Cali-Sabiix, Dikhil iyo Magaalada Jabuuti.
Soo-jeedimaha la qiimeeyay ayaa isugu jira horumarinta isku dhafan ee beeraha iyo xoolaha, wax-soo-saarka xoolaha iyo calafka, soo saarista iyo farsamaynta miraha iyo khudaarta, iyo soo saarista cuntooyinka dhallaanka, sida ay ADI sheegtay.
Wasiirka ayaa sheegay in hindisahan uu taageerayo himilooyinka Aragtida Jabuuti 2035 (Vision Djibouti 2035), taas oo mudnaanta siinaysa sugnaanta cuntada, casriyeynta beeraha iyo horumarinta warshadaha wax-soo-saarka beeraha iyo cuntada ee tartanka leh.