Itoobiya, 15 Noofambar 2025 — Madaxweynaha Dowlad-Deegaanka Soomaalida, Mustafe Maxamed Cumar, ayaa maanta dhagax-dhigay jaamacad Islaami ah oo cusub oo laga hirgelinayo magaalada Jigjiga, taas oo ku kacaysa in ka badan 555 milyan oo birr, oo u dhiganta qiyaastii US$3.57 milyan. Jaamacadda, oo inta badan bulshada ay maalgelinayso, waxaa dhulkeeda 1.5-hektar ah bixiyey maamulka dowlad-deegaanka.
Munaasabadda dhagax-dhigga waxaa ka qaybgalay mas’uuliyiin sare oo ka tirsan DDS, oo uu ku jiro Madaxweyne Ku-xigeenka Ibraahim Cusmaan Faarax, culimo, odayaal dhaqameed iyo wakiillo ka socday bulshada.
Madaxweynaha DDS, Mustafe Muxummed Cumar, oo ka hadlayay munaasabadda dhagax-dhigga, ayaa boggaadiyay dhammaan cid kasta oo door muuqda ku lahayd hindisaha Jaamacaddani Islaamiga ah, taas oo uu sheegay in ahmiyad ballaadhan ugu fadhida bulshada deegaanka.
