Jabuuti, 18 Nofeembar 2025 — Ciidanka Kastamka ee degmada Ali-Sabieh ayaa sheegay inay gacanta ku dhigeen ku dhowaad 30 kiiloogaraam oo xashiish ah intii lagu guda jiray baaritaan caadi ah oo ka dhacay xadka Galilee ee ay Itoobiya la wadaagto, maalintii Isniintii.
Sida ay sheegeen mas’uuliyiintu, maandooriyaha oo wadartiisu ahayd 29.8 kg ayaa lagu qariyey taayirrada kaydka ee gaari xamuul ah. Daroogada ayeey sheegene in loo xirxiray 20 xirmo, midkiibana uu yahay qiyaastii 1.5 kg, ayaa lagu qiimeeyay 774 milyan oo lacagta Jabuuti ah (FDJ).
Darawalkii waday gaariga ayaa isla goobta lagu xiray, waxaana isaga iyo maandooriyaha la wareegay qaybaha Ciidanka Jabuuti ee Qeybta Waqooyi, kuwaas oo bilaabay baaritaan hordhac ah ka hor inta aan loo gudbin xafiiska xeer-ilaalinta.
Kastamka Jabuuti ayaa sheegay in cutubka Ali-Sabieh uu bilihii u dambeeyay fulinayay howlgallo lagu bartilmaameedsanayo tahriibka maandooriyaha iyo badeecooyinka sharci-darrada ah.