Gaarisa, 9 Maarso 2026 (Dawan) — Ururka Laanqeyrta Cas ee Kenya ayaa qaybiyey cunto kala duwan oo loogu talagalay qoysaska ay saameysay abaarta ee ku nool degmooyinka Ijara iyo Balambala ee magaalada Gaarisa.
Isku-duwaha gobolka ee Laanqeyrta Cas , Daa'uud Axmed Shale, ayaa sheegay in 1,300 qoys ay ka faa’iideysteen gargaarka lagu bixiyay Hara, Korisa, Gababa, Cabdi Gure, Ruqa, iyo Gerille ee Ijara, halka degmooyinka Cabdisamed, Dujis, Owliya, Shebta Caad, Caragadud, iyo Lago ee Balambala ay sidoo kale heleen qaybinta.
Daa'uud ayaa intaa ku daray in qaybinta cuntada ay caqabado kala kulmeen sababtoo ah qaar ka mid ah goobaha ayaa noqday kuwo aan la gaari karin ka dib billaabada roobabka, kuwaas oo sababay duufaanno gooni ah, taas oo ka dhigtay deegaannada qaar kuwa aan la tegi karin
