Addis Ababa (Dawan)- Laba qof oo qaxooti ah kana soo jeeda Suudaan ayaa la dilay, toban kalena waa la dhaawacay kadib markii kooxa hubeysan ay weerar kusoo qaadeen xero qaxooti oo ay ku sugnaayeen dadkaas.
Xerada qaxooti ayaa ku taal kaymaha Awlala ee gobolka Amxaarada ee Itoobiya, halkaas oo ay qaxootigu Suudaaniyiintu ka dhigayeen mudaaharaad ay ku dalbanayaan in wax loo qabto tan iyo horraantii bishii May.
Qaar ka mid ah warbaahinta Itoobiya ayaa warisay in labada qof ee la dilay ay ahaayen nin iyo xaaskiisa, waxaana sidoo kale jira dad qaba dhaawacyo halis ah.
Dhacdadaan ayaa kusoo aadeysa wax yar kadib markii wakiilo ka socda guddiga qaxootiga iyo dib u dejinta Itoobiya ay booqdeen deegaanka.