Mareykanka oo duqeyn cirka ah ku dilay xubno ka tisran AS

“Al-Shabaab waxa ay muujiyeen ka go'naanshahooda iyo awoodooda ay ku weerari karaan ciidamada Mareykanka waxeyna halis geliyeen danaha amniga ee Mareykanka. Taliska Mareykanka ee Afrika iyo saaxibadooda waxa ay sii wadi doonaan tillaabooyinka looga hortagayo kooxdan argagaxisada ah ee qorsheyneysa in ay weeraro ka fuliso gobolka, si ay u dhibaateyso dadka rayidka ah,” ayaa lagu yiri war-saxaafadeedka kasoo baxay AFRICOM.

AFRICOM waxa ay ballan qaaday in ay sii wadi doonto tababarada, la-talinta, iyo qalabeynta ciidamada saaxiibada ah iyada oo la siinayo agabka ay u baahanyihiin, si loo wiiqo awoodda Al-Shabaab.

Dowladda Federaalka Soomaaliya iyo Al-Shabaab ayaan ka hadlin howlgalkan ugu dambeeyay ee uu Mareykanku ka fuliyay deegaanka Ugunji laba maalin ka hor.