UK (Dawan) – Hay’adda UK Maritime Trade Operations (UKMTO) ayaa sheegtay in markab shidaal oo marayay xeebaha Soomaaliya la tuhunsan yahay in la afduubtay, kaddib markii dad aan la aqoonsan ay la wareegeen.
UKMTO ayaa xaqiijisay in markabkan lagu qabsaday qiyaastii 45 mayl-badeed waqooyi-bari kaga beegan deegaanka Mareero, iyadoo lagu saleeyay xog ay ka heshay ilo dhinaca militariga ah.
Sida lagu sheegay warbixinta, markabka ayaa markii dambe loo jiheeyay dhanka koonfureed gudaha biyaha Soomaaliya, halkaas oo lagu qiyaasay in uu jaray ilaa 77 mayl-badeed.
