Muqdisho (Dawan) – La-taliyihii Sare ee Madaxweynaha Jamhuuriyadda Federaalka Soomaaliya, Cabdullaahi Maxamed Nuur ayaa ku dhawaaqay inuu iska casilay xilka, isaga oo sabab uga dhigay xiisadaha siyaasadeed iyo ismariwaaga ka jira dalka.
Wasiirkii hore ee Amniga Gudaha, Cabdullaahi Maxamed Nuur, ayaa qoraal uu ku daabacay bartiisa Facebook ku sheegay inuu si rasmi ah uga degay xilkii La-taliyaha Sare ee Madaxweynaha, isagoo xusay in go’aanka uu qaatay uu salka ku hayo xaaladda siyaasadeed ee cakiran.
"Waxaan maanta, oo ay taariikhdu tahay 26-ka April 2026, iska casilay xilkii lataliyaha sare ee Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud" ayuu ku yirim qoraal uu soo dhigay bartiisa Facebook
Waxa uu ka digay in caqabadaha iyo ismariwaaga siyaasadeed ay horseedi karaan xasillooni-darro siyaasadeed iyo mid amni, xilli dalka uu wajahayo marxalad kala guur ah oo xasaasi ah.