Baydhabo (Dawan) — Wasaaradda Gaashaandhigga Soomaaliya ayaa sheegtay in ciidamada dowladda ay maanta oo Khamiis ah aroornimadii hore iska caabiyeen weerar lagu qaaday magaalada Baydhabo.
Wasaaraddu waxay sheegtay in weerarku dhacay abaare 4:15 aroornimo, ayna ciidamada dowladda ka hortageen weerarka ay ku tilmaantay mid ay soo qaadeen wax ay ku tilmamatay maleeshiyaad taabacsan Cabdicasiis Laftagareen oo ay weheliyaan dagaallamayaal Al-Shabaab ah.
Wasaaraddu waxay sheegtay in ciidamadu ay jebiyeen dagaalyahanadii weerarka soo qaaday isla markaana ay khasaaro xooggan gaarsiiyeen. Wasaaraddu ma aysan sheegin tiro rasmi ah oo ku saabsan dadka lagu dilay ama lagu dhaawacay dagaalka, mana aysan bixin tirakoob ku saabsan khasaaraha ciidamada dowladda ama dadka rayidka ah.
Taliyaha saldhigga degmada Baydhabo, Cali Taagey, oo warbaahinta kula hadlay dhankiisa magaalada Baydhabo, ayaa sheegay in ciidamada dowladda ay jebiyeen ciidamadii soo weeraray magaalada, isagoo guul ka sheegay dagaalkii dhacay.
