Maqaalka waa la soo dejinayaa...

Soo raraya...

Midowga Yurub oo dib u bixiyay kharashaadkii AUSSOM ee 2025 iyo horraantii 2026 | Dawan TV | Dawan TV

Midowga Yurub oo dib u bixiyay kharashaadkii AUSSOM ee 2025 iyo horraantii 2026

Midowga Yurub ayaa ansixiyay $81 milyan oo hore loogu isticmaalay howlgalka AUSSOM ee Soomaaliya

April 24, 2026

2 daqiiqo akhris

Waxaa qoray Zamzam Osman - Reporter

Brussels (Dawan) – Midowga Yurub ayaa ansixiyay €75 milyan (qiyaastii $81 milyan) oo dib loogu daboolayo kharashaadkii hore ee Howlgalka Taageerada iyo Xasilinta Midowga Afrika ee Soomaaliya (AUSSOM), kuwaas oo la qarash gareeyay sanadkii 2025 iyo rubucii hore ee 2026, sida uu sheegay Golaha Midowga Yurub.

Lacagtan, oo uu ansixiyay Guddiga Siyaasadda iyo Amniga ee Midowga Yurub, ayaa laga bixinayaa Sanduuqa Nabadda Yurub (European Peace Facility – EPF), si loo taageero qaybta milatari ee howlgalka Midowga Afrika hoggaamiyo.

Golaha Midowga Yurub ayaa sheegay in lacagtu ay u badan tahay dib u bixinta gunnooyinka ciidamada iyo kharashaadka kale ee hore loogu fuliyay howlgalka.

Safiirka Midowga Yurub u qaabilsan Soomaaliya, Francesca Di Mauro, ayaa sheegtay in lacagtu ay daboolayso baahiyihii hore ee howlgalka.

Maqaallo la xidhiidha

1 saac kahor

Jigjiga oo lagu soo bandhigay qorshayaal lagula tacaalayo isbeddelka cimilada

2 saac kahor

Dufcad cusub oo Booliska Soomaaliya ah oo tababar loogu soo xiray Jabuuti

“Midowga Yurub wuxuu €75 milyan ugu qoondeeyay AUSSOM Soomaaliya isagoo adeegsanaya EPF, taas oo daboolaysa baahiyaha 2025 iyo rubuca hore ee 2026,” ayay ku tiri qoraal ay ku daabacday barta X.

Waxay intaas ku dartay in lacagtaasi ay taageerayso gunnooyinka ciidamada iyo qalabka aan dilaaga ahayn ee howlgalka ka dhanka ah Al-Shabaab, isla markaana Midowga Yurub uu filayo in la kordhiyo wadaagista culayska iyo in la xoojiyo madax-bannaanida Ciidanka Xoogga Dalka Soomaaliyeed.

Golaha ayaa sheegay in taageeradani ay qeyb ka tahay kaalinta ballaaran ee Midowga Yurub ee taageerada amniga Soomaaliya, oo ay ku jirto dhisidda awoodda Ciidanka Xoogga Dalka si ay ula wareegaan mas’uuliyadda amniga.

Taageeradani ayaa ka dhigaysa wadarta guud ee uu Midowga Yurub siiyay howlgalada Midowga Afrika ee Soomaaliya tan iyo 2007 ku dhowaad €2.8 bilyan (qiyaastii $3.0 bilyan), sida uu sheegay Golaha.