Jabuuti (Dawan)- Madaxweynaha Soomaaliya, Xasan Sheekh Maxamuud ayaa haabeenimadii xalay gaaray magaalada Jabuuti ee caasimada dalka Jabuuti.
Madaxweyne Xasan ayaa maanta kulan la yeelan doona dhiggiisa dalka Jabuuti, Ismaaciil Cumar Geelle, waxaana la filayaa in ay ka wada hadli doonaan dagaalka ka dhanka ah kooxda Al-Shabaab iyo kaalinta ay Jabuuti ka geysan doonto garab istaagga dowladda Soomaaliya.
Xiriirka labada dal ee Jabuuti iyo Soomaaliya ayaa ah mid fiican, tan iyo markii dib loo doortay madaxweyne Xasan bishii May 2022.