Muxuu yahay baaqa ay Dowladda ka soo saartay xiisadda Shabeellaha Hoose?

Waxay sheegtay in kooxaha argagixisada iyo qaswadayaasha ay isku dayi karaan inay ka faa’iideystaan xaaladaha nugul si ay u fuliyaan ajandayaal wax u dhimaya nafta, hantida, amniga qaranka iyo xasilloonida bulshada.

Wasaaradda ayaa fartay hay’adaha amniga iyo kuwa fulinta sharciga inay xoojiyaan tallaabooyinka ka hortagga ah, isla markaana si waafaqsan sharciga uga hortagaan cid kasta oo hurinaysa colaadaha ama khalkhal gelinaysa amniga iyo kala dambeynta.

Ugu dambeyn, Wasaaradda Arrimaha Gudaha, Federaalka iyo Dib-u-heshiisiinta ayaa ugu baaqday maamulka heerarka kala duwan, odayaasha dhaqanka, culimada, haweenka, dhallinyarada iyo bulshada rayidka ah inay hormuud ka noqdaan dejinta xiisadda, xoojinta wada-hadalka iyo gaarista is-afgarad bulsho, waxayna adkeysay in ilaalinta nabadda iyo wadajirka bulshada ay tahay masuuliyad wada saaran dhammaan dhinacyada bulshada, si loo xaqiijiyo xasilloonida Gobolka Shabeellaha Hoose iyo guud ahaan dalka.