Soomaaliya (Dawan) – Dowlad-goboleedka Puntland ayaa ku dhawaaqday olole looga soo horjeedo kalluumeysiga sharci-darrada ah ee ka socda xeebaha maamulka, kaas oo qayb ka ah dadaallada lagu ilaalinayo kheyraadka badda laguna xoojinayo dhaqangelinta xeerarka kalluumeysiga.
Wasaaradda Kalluumeysiga iyo Kheyraadka Badda ayaa mmanta oo Arboco ah sheegtay in ololahan lagu beegsan doono maraakiibta shisheeye ee aan oggolaanshaha haysan iyo hawl-wadeennada gudaha ee ku lug leh kalluumeysiga aan nidaamsanayn, kuwaas oo ay wasaaraddu sheegtay inay gacan ka geysteen yaraanta kalluunka iyo waxyeellada deegaanka.
Wasaaradda ayaa intaas ku dartay inay kordhin doonto ilaalada xeebaha, ayna xoojin doonto iskaashiga ay la leedahay ciidamada amniga si loo xakameeyo dhaqdhaqaaqyada sharci-darrada ah.
