Hargeysa (Dawan)- Golaha Wasiirrada Somaliland ayaa maanta fadhigooda 129-aad ku go'aamiyay in kiisaska Kufsiga lagu xalliyo go'aamada Hay'daha Garsoorka oo kaliya, iyada oo madaxda dhaqanka la faray in aysan soo faragelin karin hadda kadib wax la xiriira kufsi.
Fadhiga Golaha Wasiirrada Somaliland oo uu shir guddoomiyaya Madaxweyne Muuse Biixi Cabdi ayaa sidoo kale looga hadlay qodobo kala duwan oo ay ka mid ahaayeen amniga, caafimaadka, iyo qorsheyaasha Qaranka, waxaana warbixino laga dhegeystay Wasaaradaha Amniga. Caafimaadka iyo Warfaafinta.
Waxaa deegaanada kala duwan ee Soomaalida kusoo noq-noqday kiisaska kufsiga, iyada oo inta badan lagu xalliyo hannaan ku dhisan dhaqanka oo aan ku salleysnayn caddaaladda.