Dubai (Dawan)- Wasiirka Caafimaadka iyo Daryeelka Bulshadda Soomaaliya, Dr. Cali Xaaji Aadam, oo ka mid ah wafdiga Madaxweyne Xasan ku weheliya ka qeyb galka shirka caalamiga ah ee isbeddelka cimilada (COP28) ee ay dowladda Imaaraadku martigelineyso, ayaa ka sheekeeyay dhibaatada uu isbeddelka cimiladu ku yeeshay nolosha iyo caafimaadka muwaadiniinta Soomaaliyeed.
Wasiirka waxa uu adduunka xasuusiyay in afar xiili roobaad oo aysan Soomaaliya ka da'in wax roob ah in uu dalku qarka u fuulay macluul, isaga oo intaas raaciyay in hadana markale ay Soomaaliya ka jiraan daad xooggan kuwaas oo ka dhashay isbeddelka cimilada
Wasiirku waxa uu caddeeyay in Soomaaliya aysan gacan ku lahayn isbeddelka cimilada hadana ay ka mid tahay dalalka ay ka jiraan dhibaatada ugu badan ee ka dhasha isbeddelka cimilada .