Soomaaliya oo loo doortay Ku-xigeenka Ururka Hay’adaha Hantidhowrka Sare ee Afrika

Qaahira (Dawan)- Xafiiska Hantidhowraha Guud ee Jamhuuriyadda Federaalka Soomaaliya ayaa loo doortay Ku-xigeenka Hantidhowraha Dibadda (Alternate External Auditor) ee Ururka Hay’adaha Hantidhowrka Sare ee Afrika ee ku Hadla Af-Carabiga (AFROSAI-A), muddada 2026–2029, sida uu sheegay Xafiiska Hantidhowraha Guud ee Soomaaliya.

Doorashadan ayaa ka dhacday magaalada Qaahira ee dalka Masar, intii uu socday Shirkii Aasaaska AFROSAI-A, kaas oo uu ka qayb galay, khudbadna ka jeediyay Hantidhowraha Guud ee Soomaaliya, Axmed Ciise Guutaale.

Intii uu socday shirka, AFROSAI-A ayaa Xafiiska Hantidhowraha Guud ee Soomaaliya loo dooratay xilka Ku-xigeenka Hantidhowraha Dibadda ee ururka, halka Xafiiska Hantidhowraha Guud ee Aljeeriya loo doortay Hantidhowraha Dibadda ee AFROSAI-A.

Hantidhowraha Guud ee Soomaaliya, Axmed Ciise Guutaale, ayaa uga mahadceliyay AFROSAI-A kalsoonida loo muujiyay Xafiiska Hantidhowraha Guud ee Soomaaliya, isagoo xusay muhiimadda ururku u leeyahay xoojinta iskaashiga xirfadeed, is-weydaarsiga aqoonta iyo horumarinta awoodaha hay’adaha hantidhowrka sare ee dalalka xubnaha ka ah.

Waxa uu sidoo kale tilmaamay in AFROSAI-A ay muhiim tahay inay ka gudubto marxaladda aasaaska una gudubto heer hawlgal oo wax-ku-ool ah, si loo xoojiyo wada-shaqeynta iyo hirgelinta barnaamijyada hantidhowrka ee wadajirka ah.

AFROSAI-A waa urur ay ku mideysan yihiin sagaal dal oo Afrikaan ah oo ku hadla Af-Carabi, waxaana ujeeddadiisu tahay horumarinta hay’adaha hantidhowrka sare, kor u qaadidda xirfadda hantidhowrka, is-weydaarsiga khibradaha iyo xoojinta isla xisaabtanka maaliyadeed ee dalalka xubnaha ka ah.

Soomaaliya oo loo doortay Ku-xigeenka Ururka Hay’adaha Hantidhowrka Sare ee Afrika

IGAD oo bilowday wadatashiyo ku saabsan istaraatiijiyadda garaad gacmeedka ee gobolka

In ka badan 20 xirfadood oo lagu daray manhajka waxbarashada dugsiga sare ee Dowlad Deegaanka Soomaalida

Golaha Mustaqbalka oo dalbaday baaritaan madaxbannaan oo ku saabsan dhacdadii Doolow

Soomaaliya iyo Kenya oo qorsheynaya waddo isku xirta Muqdisho iyo Mandera

Maqaallo La Xidhiidha

Jabuuti iyo Yemen oo xoojinaya iskaashiga dekedaha

Maxay Dowladda Soomaaliya uga jawaabtay eedeymaha loo jeediyay ee ku saabsan dhacdadii Doolow?

Soomaaliya oo daahfurtay tartanka qandaraaska dhismaha waddada Beledweyne–Kalabayr

Qoraallo Cusub

IGAD oo bilowday wadatashiyo ku saabsan istaraatiijiyadda garaad gacmeedka ee gobolka

In ka badan 20 xirfadood oo lagu daray manhajka waxbarashada dugsiga sare ee Dowlad Deegaanka Soomaalida

Soomaaliya oo loo doortay Ku-xigeenka Ururka Hay’adaha Hantidhowrka Sare ee Afrika

Qaybaha