Soomaliya, 19 November 2025 — Wasaaradda Gaashaandhigga Soomaaliya ayaa sheegtay in ciidamada Xoogga Dalaka Soomaliyeed ay uliyeen howlgal xalay ka dhacay Buula Madiina, oo hoos taga degmada Afgooye ee gobolka Shabeellaha Hoose, kaas oo lagu dilay saddex dagaalame oo Al-Shabaab ah laguna sii daayey 30 qof oo rayid ah.
Warsaxaafadeed ay soo saaray Arbacadii ayaa lagu sheegay in dadka la badbaadiyay ay ku jireen laba haween ah oo kooxda ay hore u afduubtay. Howlgalka ayaa waxaa fuliyay cutubyo ka tirsan ciidamada gaarka ah ee xoogga, kuwaas oo beegsaday goob ay Wasaaraddu ku tilmaantay “xabsi” iyo “maxkamad ay Al-Shabaab u adeegsanaysay dhibaataynta dadka rayidka ah.”
Sida lagu sheegay bayaanka, goobtii ay kooxda ku hayn jirtay dadka ayaa la burburiyay intii uu howlgalka socday, waxaana la tilmaamay in uu qayb ka yahay dadaallada socda ee lagu wiiqayo awoodda kooxda ee dalka.