Baay (Dawan)— Ciidamada dowladda Soomaaliya ayaa 14 xubnood oo ka tirsan Al-Shabaab ku dilay hawlgal qorshaysan oo habeenkii xalay ahayd ka dhacay deegaanka Buula Fulaay ee Gobolka Baay, sida ay sheegtay Wasaaradda Gaashaandhigga Soomaaliya Sabtidii.
Hawlgalka waxaa fuliyay ciidamada Xoogga Dalka Soomaaliyeed, gaar ahaan ciidamada Kumaandooska Danab, sida ay wasaaraddu ku sheegtay bayaan.
Ciidamadu waxay sidoo kale burburiyeen gabbaad ay maleeshiyaadku isticmaali jireen intii uu hawlgalku socday, sida ay sheegtay wasaaraddu.
