Washington (Dawan)- Afhayeen u hadlay Pentagon-ka ayaa ku dhawaaqay in Wasiirka Difaaca Mareykanka, Lloyd Austin, oo la ildaran kansarka qanjirka in uu shaqadiisa u wakiishay ku xigeenkiisa Axaddii, saacado ka dib markii la dhigay isbitaalka, markii ay lasoo deristay caafimaad xumo.
"Austin waxa uu ku wareejiyay shaqada ku xigeenka Wasiirka Difaaca, Kathleen Hicks", sidaas waxaa yiri, af-hayeenka Pat Ryder.
Waxa uu intaa ku daray in Wasiirka ku xigeenka Difaaca, Hicks ay gacanta ku hayso howlihii Austin", isagoo xusay in Wasiirka ay weli ku socoto daweyn , Aqalka Cad iyo Congress-kana lagu wargeliyay arrintan.
Austin ayaa mar kale loo qaaday Isbitaalka Axadii, markaan waxaa sabab u ah dhibaato dhanka kaadiheysta ah, waxeyn kusoo beegmeysa toddobaadyo ka dib markii laga helay cudurka kansaraka.