Bixinta Kaararka Codbixinta ee Doorashada Golaha Deegaanka Banaadir oo Bilaabanaysa 15-ka Nofeembar

Soomaaiya, 12 Nofeembar 2025 — Guddiga Madaxa Bannaan ee Doorashooyinka Qaranka iyo Soohdimaha(GMDQS) ayaa ku dhawaaqay in si rasmi ah loo bilaabi doono bixinta kaararka codbixinta ee doorashada Golaha Deegaanka Banaadir Sabtida, 15-ka Nofeembar 2025.

Guddoomiyaha Guddiga, Cabdikariin Axmed Xasan oo maanta ka hadalyey xarunta daabacaadda kaararka ayaa sheegay in daabacaadda kaararka codbixinta ay marayso heer gabagabo, isla markaana muwaadiniinta hore isu diiwaan geliyay ay heli doonaan fariin qoraal ah (SMS) oo tilmaamaysa goobta ay ka qaadan doonaan kaarkooda.

“Daabacaadda kaararka ayaa maraysa heer gabagabo, waxaana Sabtida soo socota, 15-ka Nofeembar, la bilaabi doonaa qeybinta kaararka codbixinta ee muwaadiniinta diiwaangashan ee Gobolka Banaadir,” ayuu yiri Cabdikariin.

Cabdikariin ayaa intaa ku daray in bixinta kaararka ay hore uga bilaaban doonto todoba degmo oo xeebaha Muqdisho ah — Shingani, Cabdicasiis, Xamar Jajab, Xamar Weyne, Shibis, Waaberi, iyo Boondheere — ka hor inta aan loo gudbin sagaal degmo oo kale. Waxaa la diyaariyay 42 goobood oo lagu bixiyo kaararka si ay u fududaato qaadashadooda ayuu sheegay

Guddoomiyaha Guddiga Doorashooyinka Qaranka ayaa ugu baaqay shacabka inay u diyaar garoobaan doorashooyinka soo socda ee Gobolka Banaadir, kuwaas oo muhiim u ah hirgelinta nidaamka dowlad-degaanka ee dalka, isagoo xusay in nidaamka cusub ee kaararka uu noqon doono mid qofku waligiis ku codeyn doono.

Guddiga doorashoyinka aya shagay ku dhawad hal milyan qof in ay iska diiwan galiyen gobolka banadir Doorashada la filayo in la qabto 30-ka Nofeembar 2025, sida horey u shaaciyeen Guddiga Madaxa Bannaan ee Doorashooyinka Qaranka