Soomaaliya (Dawan)- Wasiirka Batroolka iyo Macdanta Soomaaliya, Daahir Shire Maxamed, ayaa sheegay in dowladda Federaalka ay ka shaqeyneyso qorshe ku saabsan sidii dalka gudihiisa loogu sifeyn lahaa shidaalka mustaqbalka, si loo kordhiyo faa’iidada dhaqaale ee kheyraadka dabiiciga ah.
Wasiirka oo marti ku ahaa barnaamijka Miizaan Podcast ee ka baxa Dawan Media ayaa tilmaamay in sifeynta shidaalka gudaha dalka ay dowladda u leedahay faa’iido weyn, balse ay caqabad ku tahay kharashaadka badan ee dhismaha warshadaha sifeynta.
“Waxaa la qiimeyn doonaa suuq ku filan in loo dhiso warshad oo isticmaali kara wixii la sifeeyo,” ayuu yiri wasiirku, isaga oo sharaxay in qorshuhu uu ku xiran yahay helitaanka suuq deggan oo taageeri kara maalgashiga warshadaha sifeynta.
