Safiirrada ka socda Faransiiska, Sacuudi Carabiya, Masar, Baakistaan, Tanzania, iyo Romania ayaa bilaabay howlahooda diblomaasiyadeedJabuuti (Dawan) – Madaxweynaha Ismail Omar Guelleh ayaa xafiiskiisa Madaxtooyada ku qaabilay Safiirrada Cusub ee ka socda lix dal, isagoo ku aqbalay Warqadaha Aqoonsiga Axaddii subaxdii, taasoo calaamad u ah bilowga rasmiga ah ee howlahooda diblomaasiyadeed ee Djibouti.Safiirrada Cusub ee ka Socda Faransiiska, Sacuudi Carabiya, Masar, Baakistaan, Tanzania, iyo Romania ayaa Gudbiyeen Warqadahooda AqoonsigaSida ay sheegtay Madxatooyada Jabuuti, safiirrada cusub ayaa kala ah :• Jérôme Bresson, Safiirka Jamhuuriyadda Faransiiska• Matrek Abdullah Matrek Aldosari, Safiirka Boqortooyada Sacuudi Carabiya• Abdelrahman Raafat Khattab, Safiirka Jamhuuriyadda Masar• Aqsa Nawaz, Safiirka Jamhuuriyadda Islaamiga ah ee Baakistaan• Innocent Shiyo, Safiirka Jamhuuriyadda Tanzania• Olivia Toderean, Safiirka RomaniaInkasta oo badankood safiirradu ay yihiin safiirro dageneesho ku ah Jabuuti, waxaa xusid mudan in safiirrada ka socdo Tanzania iyo Romania ay yihiin safiirrada aan deganeyn.Sida ay sheegtay Madaxtooyada Jabuuti, inta lagu guda jiray xafladda Warqadaha Aqoonsiga, safiirradu waxay muujiyey go’aankooda ku aaddan xoojinta xiriirka ka dhexeeya dalalkooda iyo Djibouti.
Waxaa qoray Dawan Desk - Reporter