Addis Ababa (Dawan)– Xoghayaha Arrimaha Dibadda Mareykanka, Marco Rubio, oo shalay qadka taleefanka kula hadlay Ra’iisul Wasaaraha Itoobiya, Abiy Axmed Cali, ayaa kala hadlay xiisadda sii kordhaysa ee u dhaxaysa Itoobiya iyo Eritrea, taasoo xiriir la leh dagaalka ka socda gobolka Tigray.
Sida lagu sheegay bayaan ka soo baxay Waaxda Arrimaha Dibadda Mareykanka, Rubio ayaa taageeray in dhammaan dhinacyadu ay xiisadda dejiyaan, isagoo sheegay in xalka keliya ee waara ee xiisadaha gudaha iyo dibaddaba uu yahay wadahadal iyo is-afgarad, sidii lagu heshiiyay qaab-dhismeedka nabadda Itoobiya iyo Eritrea ee 2018.
Rubio ayaa sidoo kale ku nuuxnuuxsaday in dhammaan wadamada Geeska Afrika ay waajib ku tahay inay ixtiraamaan madaxbannaanida iyo midnimada dhuleed ee deriskooda, kana fogaadaan weerarrada xuduudaha ka gudba. Wuxuu intaa ku daray in gobolku aanu qaadi karin colaad kale.
