Maxay tahay farriinta Madaxweynaha Soomaaliya ee Ra’iisul Wasaaraha cusub ee Ingiriiska?

Muqdisho (Dawan)– Madaxweynaha Soomaaliya Xasan Sheekh Maxamuud ayaa maanta oo Isniin ah hambalyo u diray Ra’iisul Wasaaraha cusub ee Boqortooyada Ingiriiska, Andy Burnham, isagoo sheegay inuu rajeynayo inuu la shaqeeyo dowladda cusub si loo sii xoojiyo xiriirka ka dhexeeya labada dal.

Qoraal uu ku daabacay bartiisa X, Madaxweyne Xasan Sheekh ayaa ku tilmaamay Boqortooyada Ingiriiska inay tahay "saaxiib qiimo badan ku leh safarka Soomaaliya ee dib u dhiska dowladnimada iyo horumarka." Waxa uu intaa ku daray inuu rajeynayo in la sii ballaariyo iskaashiga labada dhinac.

"Hambalyo diirran ayaan u dirayaa Ra’iisul Wasaaraha cusub ee UK iyo hoggaamiyaha Xisbiga Labour-ka, Andy Burnham," ayuu Madaxweyne Xasan Sheekh ku yiri qoraalkiisa.

Andy Burnham ayaa Isniintan noqday Ra’iisul Wasaaraha Boqortooyada Ingiriiska kadib markii uu xilka kala wareegay Keir Starmer oo ahaa hoggaamiyaha Xisbiga Labour-ka iyo ra’iisul wasaarihii hore. Burnham ayaa ballanqaaday inuu wax ka qaban doono xasillooni darrada siyaasadeed, sare u kaca kharashaadka nolosha, isla markaana uu soo bandhigi doono qorshe muddo dheer ah oo lagu horumarinayo dalka.

Boqortooyada Ingiriiska ayaa ka mid ah saaxiibbada caalamiga ah ee muddada dheer taageerayay Soomaaliya, iyadoo gacan ka geysata gargaar bani’aadamnimo, iskaashiga amniga iyo barnaamijyada dib u dhiska dowladnimada. Sidoo kale, London waxay taageertay dadaallada Soomaaliya ee lagu xoojinayo hay’adaha amniga iyo maamulka dowladeed, iyadoo dalka uu weli wajahayo dagaalka lagula jiro Al-Shabaab iyo hirgelinta dib-u-habeynta siyaasadeed iyo dhaqaalaha.

Maxay tahay farriinta Madaxweynaha Soomaaliya ee Ra’iisul Wasaaraha cusub ee Ingiriiska?

IGAD oo Muqdisho ka daahfurtay mashruuc lagu xoojinayo ka qaybgalka haweenka ee nabadda

Soomaaliya oo Turkiga ka heshay 10 aqal-beereed si kor loogu qaado wax-soo-saarka beeraha

Soomaaliya oo xaqiijisay in la dilay hoggaamiye sare oo ka tirsan Al-Shabaab

Tababar diblomaasiyadeed oo loo qabtay qaar ka mid ah shaqaalaha dowladda

Maqaallo La Xidhiidha

Imisa ayay gaartay hantida Bangiga Shabeelle ee Itoobiya?

Maxay yihiin ballanqaadyada musharraxa Xisbiga JSP ee Galmudug?

Jabuuti oo bilowday dib-u-habayn lagu horumarinayo nidaamka gudbinta bukaannada

Qaybaha

Qoraallo Cusub

IGAD oo Muqdisho ka daahfurtay mashruuc lagu xoojinayo ka qaybgalka haweenka ee nabadda

Maxay tahay farriinta Madaxweynaha Soomaaliya ee Ra’iisul Wasaaraha cusub ee Ingiriiska?

Soomaaliya oo Turkiga ka heshay 10 aqal-beereed si kor loogu qaado wax-soo-saarka beeraha