Shil ka dhacay Jabuuti oo sababay dhimashada muwaadiniin Itoobiyaan ah

Jabuuti (Dawan) – Afar qof ayaa ku dhintay, halka toban kalena ay ku dhaawacmeen, kuwaas afar ka mid ah ay xaaladdoodu culus tahay, kaddib shil gaari oo galabnimadii Isniinta ka dhacay agagaarka deegaanka Bolli, ee gobolka adjourah, ee waqooyiga Jabuuti, sida ay sheegtay wakaaladda wararka Jabuuti.

Shilka ayaa ka dhacay goob lagu magacaabo Gabira-Bahari, oo qiyaastii laba kiiloomitir u jirta deegaanka Bolli, saacaddu markay ahayd 5:10 galabnimo,

Sida lagu helay xogta hordhaca ah, dhammaan dadka dhintay ayaa ahaa muwaadiniin Itoobiyaan ah, iyada oo ay gaariga ay saarnaayeen 14 qof. Dadkaasi waxaa ka mid ahaa shan muwaadiniin Jabuutiyaan ah, oo ay ku jiraan milkiilaha gaariga, wiilkiisa oo waday gaariga, iyo saddex rakaab kale.

Dadka dhaawacmay ayaa loo qaaday xarumaha caafimaadka ee ugu dhow si loola tacaalo xaaladdooda, halka hay’adaha ammaanku ay billaabeen baaritaan lagu ogaanayo sababaha rasmiga ah ee shilka.