Somaliland oo dalbanaysa in laga taageero abaaraha deegnmaneeda kusii fidaya.

November 18, 2025

2 daqiiqo akhris

Waxaa qoray mohamed abdi - Reporter

Hargeysa , 18 Nofeembar 2025 — Madaxweyne Ku-xigeenka Somaliland ayaa ku baaqay gargaar degdeg ah xilli uu sheegya inay abaartu ay si weyn ugu sii fiday gobollo badan, taas oo kumannaan qoys gelisay xaalad biyo-la’aan, cunto-yari iyo nuglaansho sii kordhaya.

Isagoo Isniintii hadlayay, Madaxweyne Ku-xigeen Maxamed Cali Aw Cabdi wuxuu sheegay in xaaladda abaartu si xowli ah u sii xumaaneyso, isla markaana bulshada ay ku yar yihiin ilihii nololeed ee aasaasiga ahaa.

“Umadda Somaliland waxaan u sheegeynaa in abaartii adkaatay, abaartu way sii baahday. Biyo ma jiraan, cunto ma jirto, gaajo ayaa jirta,” ayuu yiri Madaxweyne Ku-xigeenka..

Madaxweyne Ku-xigeenka ayaa sheegay in qoysas badan ay halis ugu jiraan nafaqo-darro iyo xaalad nololeed oo aad u liidata, isaga oo ku boorriyay bulshada in ay isgarab taagaan oo mid walba wixii karaankiisa ah ku bixiyo dadka abaartu saameysay.

Maqaallo la xidhiidha

13 saac kahor

DDS oo xiraysa goobaha Caafimaad ee aan ruqsadda lahayn

15 saac kahor

Dowladda Soomaaliya oo furtay Buundada Sabiib-Caanole kadib dib-u-dhiska

Warbixin ay soo saareen hay’adda OCHA ayaa muujinaysa in abaarta ay sii xumaatay kadib roobabkii Gu’ga ee April–June oo aad u liitay. Qiimeyn ay sameeyenna bishii Agoosto ayee ku ogaaday in inta badan dadka ku nool degmooyinka Zeylac iyo Lughaye ee gobolka Awdal ay si daran u saameeyeen, iyadoo dhaqaalihii xoolo-dhaqatada uu burburay, daaqii gabaabsi noqday, lagana soo sheegay biyo aad u yaraaday.

Warbixin ay sisoo kale muujinaysa in boqolaal kun oo qof oo ku nool gobollada Awdal, Woqooyi Galbeed, Togdheer, Sanaag iyo Sool ay u baahan yihiin gargaar degdeg ah oo ay ku jiraan biyo, cunto, daawo iyo nafaqeyn.

Madaxweyne Ku-xigeenka ayaa sheegay in inkastoo Somaliland waddo dadaallo gurmad, haddana baaxadda abaartu ka badan tahay awoodaha hadda jira, sidaas darteedna loo baahan yahay taageero ballaaran oo ka timaadda gudaha iyo beesha caalamka si loo yareeyo saameynta abaarta sii kordheysa.

Maqaallo kale oo aan kuu doorannay

16 saac kahor