Bangkok (Dawan)- Soomaaliya ayaa beesha caalamka ka dalbatay maalgelin lagu taageero qorshayaasheeda horumarineed, xilli dalalka Afrika ay raadinayaan dhaqaale ay ku daboolaan baahiyahooda horumarineed, isla markaana ay ku maareeyaan culaysyada deymaha.
Wasiirka Maaliyadda Soomaaliya, Biixi Iimaan Cige, ayaa baahiyaha maalgelinta dalka ku soo bandhigay kulan dhexmaray arbacadii wasiirrada maaliyadda dalalka Afrika iyo Madaxweynaha Bangiga Adduunka, Ajay Banga. Kulanka ayaa ka dhacay magaalada Bangkok, intii ay socdeen shirarka sannadlaha ah ee Bangiga Adduunka iyo Hay’adda Lacagta Adduunka ee IMF.
Biixi, oo kulanka uga hadlayay magaca dalalka Afrika, ayaa soo bandhigay caqabadaha dhaqaale ee qaaradda iyo baahida loo qabo maalgelin lagu hirgeliyo qorshayaasha horumarineed. Waxa uu sidoo kale ka hadlay taageerada dhaqaale ee ay dowladda Soomaaliya u baahan tahay.
