Soomaaliya oo fasaxday gadiidka xamuulka ee dekadda Muqdisho inay Habeenkii Shaqeeyaan

Soomaaliya 15 Nofeembar 2025 — Dowladda Federaalka ayaa u ogolaatay gaadiidka xamuulka inay habeenkii galaan Dekadda Muqdisho , kaddib markii wasaaraddu bilowday nidaam shaqo oo 24 saac ah oo lagu dedejinayo dhaqaaqa xamuulka iyo yareynta ciriiriga.

Tallaabadan ayeey dowladda sheegtay in ay yareyn doonto ciriiriga gaadiidka, kordhin doonto wax-soosaarka, isla markaana xoojin doonto kobaca dhaqaalaha dalka.

Munaasabadda daahfurka ayaa ka dhacday gudaha dekedda Muqdisho, waxaana ka qayb galay Taliyaha Ciidanka Booliiska Soomaaliyeed, Asad Cismaan Cabdullaahi, Maareeyaha Guud ee Dekedda Muqdisho Danjire Maxamed Cali Nuur (Americo), Maareeye Ku-xigeenka Dekedda, Madaxa Shirkadda Muqdisho Alport, iyo saraakiil ka tirsan hay’adaha amniga ee caasimadda.

Wasiir Cabdulqaadir Maxamed Nuur ayaa maamulka iyo shaqaalaha dekedda ku ammaanay dadaalka ay muujiyeen, isagoo xusay in dhowr jeer oo hore lagu tijaabiyay in dekeddu habeenkii shaqeyso balse aysan suurtogelin sababo la xiriira arrimo amni.

“Caawa waa habeen taariikhi ah oo aan xaqiijinay in dekedda Muqdisho habeenkii laga shaqeeyo. Hore gudaha ayaa shaqo laga qaban jiray, balse bannaanka oo laga yimaado amni darro ayaa caqabad ku ahayd,” ayuu yiri Wasiirka.

Wasiirka ayaa u mahadceliyay hay’adaha amniga iyo maamulka dekedda, isagoo sheegay in amniga magaalada oo soo hagaagay uu suurageliyay in dekedda si buuxda u shaqeyso habeen iyo maalin, taas oo uu tilmaamay in ay sare u qaadi doonto dhaqaalaha iyo shaqo-abuurka.

Danjire Maxamed Cali Nuur (Americo), Maareeyaha Guud ee Dekedda Muqdisho, ayaa isna sheegay in nidaamka cusub uu fursad u yahay in shaqada dekeddu labanlaabanto, magaalada ay ka yaraato ciriiriga, isla markaana ay abuurto fursado shaqo oo cusub.

“tan waxay keneysa Shaqada oo badata , jaamka magaalada wey yareen n doontaa, waxaana rajeyneynaa in nidaamkan cusub uu fududeeyo howlaha ganacsiga,” ayuu yiri Maareeye Americo.

Dekedda Muqdisho ayaa horey u soo martay isku dayo la mid ah oo la bilaabay balse ma aysan sii socon.

Qaybaha

Qoraallo Cusub

Maxaa ka dhaxeeya Xeer Ciise iyo Khilaafka Awdal ee dhiigga ku daatay?

DDS oo xiraysa goobaha Caafimaad ee aan ruqsadda lahayn

Dowladda Soomaaliya oo furtay Buundada Sabiib-Caanole kadib dib-u-dhiska

Soomaaliya oo fasaxday gadiidka xamuulka ee dekadda Muqdisho inay Habeenkii Shaqeeyaan

DDS oo xiraysa goobaha Caafimaad ee aan ruqsadda lahayn

Dowladda Soomaaliya oo furtay Buundada Sabiib-Caanole kadib dib-u-dhiska

Madaxweynaha Somaliland oo Joojiyey Munaasabadda Xeer-Ciise

Madaxweyne Cirro Oo Amray In Ciidamada Laga Saaro Borama

Maqaallo La Xidhiidha

Soomaaliya oo ku boorrisay Somaliland inay wax ka qabato cabashooyinka dadka Boorama

Madaxweynaha Soomaaliya oo ka qaybgalaya Madasha Dooxa

Somaliland oo Dowladda Soomaaliya Ku Eedeysay Hurinta Rabshadaha Ka Socda Boorama.