Soo raraya...
Maqaalka waa la soo dejinayaa...
Wasiirka Arrimaha Dibadda Soomaaliya ayaa ka qeyb galay kalfadhiga 166-aad ee Golaha Jaamacadda Carabta ee heer wasiirro, kaas oo looga hadlay arrimaha Falastiin, nabadda gobolka iyo iskaashiga dalalka Carabta
Qaahira (Dawan) – Wasiirka Arrimaha Dibadda iyo Iskaashiga Caalamiga ah ee Soomaaliya, Cabdisalaam Cali Dhaay, ayaa Isniinti Soomaaliya ku matalay kalfadhiga 166-aad ee Golaha Jaamacadda Carabta ee heer wasiirro, kaas oo ka dhacay magaalada Qaahira ee Masar, sida ay sheegtay Wasaaradda Arrimaha Dibadda Soomaaliya.
Kulanka ayaa diiradda lagu saaray arrimaha Falastiin, nabadda iyo amniga gobolka, iyo xoojinta iskaashiga u dhexeeya dalalka xubnaha ka ah Jaamacadda Carabta.
Maqaallo la xidhiidha
Soomaaliya ayaa sidoo kale ka qeyb gashay kulankii 11-aad ee Guddiga Wasiirrada Carabta ee ka shaqeeya wax ka qabashada tallaabooyinka Israa’iil ee Qudusta la haysto, iyadoo mar kale muujisay taageeradeeda shacabka Falastiin iyo muhiimadda ay u leedahay midnimada iyo wadajirka dalalka Carabta.
Shirka Wasiirrada Arrimaha Dibadda ee Jaamacadda Carabta ayaa ka mid ah kulamada joogtada ah ee looga arrinsado arrimaha siyaasadeed, amni iyo iskaashi ee dalalka Carabta.
