Soomaaliya oo sheegtay dilka madaxii qaraxyada AS ee Hiiraan

Dhanka kale, howlgal kale oo ka dhacay deegaanka Buq-aqable ee Gobolka Hiiraan ayaa lagu dilay lix xubnood oo ka tirsan kooxda, sida ay sheegtay NISA. Xubnaha la dilay waxaa ku jiray Cabdiraxmaan, oo loo yaqaanay Cabdi Mudallib, kaas oo hay’addu ku tilmaantay madaxii qaraxyada Al-Shabaab ee Gobolka Hiiraan.

NISA ayaa sheegtay in Cabdi Mudallib uu door muhiim ah ku lahaa abaabulka iyo qorsheynta weerarro ka dhacay degmooyinka Buulo-burde iyo Jalalaqsi, isla markaana uu ka mid ahaa xubnaha muhiimka ah ee kooxda ee gobolka.

Hay’addu waxay xustay in howlgalladan ay qeyb ka yihiin dadaallada joogtada ah ee lagu beegsanayo Al-Shabaab, iyadoo dowladda Soomaaliya ay sii waddo gulufka militari ee ka dhanka ah kooxda ee ka socda gobollo badan oo dalka ah.

Dowladda Soomaaliya ayaa muddooyinkii dambe kordhisay howlgallada ka dhanka ah Al-Shabaab, iyadoo ciidamada dowladda iyo kuwa deegaanka ay taageero ka helayaan saaxiibada caalamiga ah ee Soomaaliya.