Muqdisho (Dawan)— Ciidamada Qalabka Sida Soomaaliya ayaa howlgal ballaaran oo ka dhan ah Al-Shabaab ka wada deegaanka Basra, oo ku yaalla xadka u dhexeeya gobollada Shabeellaha Dhexe iyo Shabeellaha Hoose, sida ay sheegtay Wasaaradda Gaashaandhigga.
Wasaaradda ayaa war-saxaafadeed ay soo saartay 30-ka Agoosto 2026 ku sheegtay in ciidamada ay howlgalka ku dileen dhowr dagaalame oo ka tirsan Al-Shabaab, kuwaas oo ay ku jiraan laba hoggaamiye oo ka tirsanaa kooxda.
Howlgalka ayaa weli socda, iyadoo ciidamada ay, sida Wasaaraddu sheegtay, ku daba jiraan xubno ka tirsan Al-Shabaab oo ka baxaya deegaanka.
