Maqaalka waa la soo dejinayaa...

Soo raraya...

Soomaaliya oo sheegtay in ficillada Israa’iil khatar ku yihiin Baabul-Mandeb | Dawan TV | Dawan TV

Soomaaliya oo sheegtay in ficillada Israa’iil khatar ku yihiin Baabul-Mandeb

Soomaaliya waxa ugu baaqday beesha caalamka inay qaaddo tallaabooyin lagu ilaalinayo marinnada istaraatiijiga ah si looga hortago saameyn dhaqaale iyo amni.

April 17, 2026

2 daqiiqo akhris

Waxaa qoray Maher Ahmed - Reporter

Antalya (Dawan ) – Soomaaliya ayaa ka digtay in ficillada Israa’iil ay khatar gelin karaan amniga marinka istaraatiijiga ah ee Baabul-Mandeb, iyadoo sheegtay in xiisadaha sii kordhaya ay saameyn ku yeelan karaan ganacsiga caalamka iyo isu socodka maraakiibta.

Wasiiru-dowlaha Wasaaradda Arrimaha Dibadda Soomaaliya, Cali Maxamed Cumar (Cali Balcad), ayaa sheegay in marinka Baabul-Mandeb, oo isku xira Gacanka Cadmeed iyo Badda Cas, uu yahay marin aad u istaraatiiji ah oo dunidu si weyn ugu tiirsan tahay.

Isagoo ka hadlayay Madasha Diblomaasiyadda Antalya, ayuu xusay in ficillada Israa’iil ay sii xumeyn karaan xaaladda amni ee gobolka, isla markaana ay abuuri karaan khatar ku wajahan marinnada muhiimka ah ee maraakiibta.

“Ficillada Israa’iil waxay keenayaan khatar ku wajahan gobolka. Waxaan rajaynaynaa in dunidu ay garato muhiimadda ay leedahay ilaalinta amniga marinkan,” ayuu yiri.

Maqaallo la xidhiidha

1 saac kahor

Soomaaliya: Israa’iil waxay halis gelineysa xasilloonida gobolka

1 saac kahor

Sidee Ururka Islaamka uga falceliyay safiirka Israa’iil u magacaawday Somaliland?

Wuxuu intaas ku daray in marinka Baabul-Mandeb uu door muhiim ah ka ciyaaro isu socodka ganacsiga caalamka, isagoo xusay in in ka badan boqolkiiba 70 ganacsiga adduunka uu ku tiirsan yahay marinnada noocan ah.

Cali Balcad ayaa sidoo kale tilmaamay in taariikh ahaan marinkan uu ahaa goob ay quwadaha waaweyn si weyn u danayn jireen, isagoo xusay in xilligii gumeysiga Afrika ay dalal badan oo reer Yurub ah u arkayeen meel istaraatiiji ah.

Soomaaliya ayaa ugu baaqday beesha caalamka in ay si dhow ula socoto xaaladda, isla markaana ay qaaddo tallaabooyin lagu ilaalinayo amniga marinnada muhiimka ah, iyadoo ka digtay in haddii xiisaduhu sii socdaan ay keeni karaan saameyn ballaaran oo dhinacyada dhaqaalaha iyo amniga ah.

Marinka Baabul-Mandebayaa ka mid ah marinada ugu muhiimsan ee maraakiibta caalamka, isagoo isku xira Badda Cas iyo Gacanka Cadmeed, isla markaana muhiim u ah isu socodka shidaalka iyo badeecadaha u kala goosha qaaradaha kala duwan.