Jabuuti (Dawan) – Madaxweynaha Jamhuuriyadda Jabuuti, Ismaaciil Cumar Geelle, ayaa fiidnimadii Sabtiga hoygiisa gaarka ah ku qaabilay safiirrada dalalka Carabta iyo Muslimka ee jooga dalka, kulan lagu xoojinayay xiriirka diblomaasiyadeed iyo wada shaqeynta dalalka Islaamka.
Kulankan oo ahaa martiqaad afur wadareed ah ayaa waxaa ka qayb galay safiirrada Muslimiinta ah ee ka howlgala Jabuuti, iyagoo Madaxweynaha kala hadlay arrimo muhiim ah oo khuseeya dunida Carabta iyo Muslimka, gaar ahaan nabadda iyo xasilloonida dalalka , heerka iskaashiga ay wadaagaan, iyo sidii loo xoojin lahaa wada shaqeynta ku dhisan midnimo iyo isku duubni.
Kulanku waxa uu sidoo kale muujiyay baahida loo qabo in la sii ballaariyo iskaashiga iyo wadaagga fursadaha u dhexeeya dalalka Carabta iyo Muslimka, si loo xoojiyo midnimada iyo is-garab istaagga dhexdooda ah.
