Muqdisho (Dawan) — Dowladda Federaalka Soomaaliya ayaa 10 qof, oo uu ku jiro madaxweynihii hore ee dowlad-goboleedka Koonfur Galbeed, Cabdicasiis Xasan Maxamed (Laftagareen), ku dartay Liiska Qaranka ee Cunaqabateynta Maaliyadeed, iyadoo amartay in la xayiro hantidooda, lagana mamnuuco macaamil maaliyadeed, sida lagu sheegay go'aan uu soo saaray Guddiga Qaran ee Ka-hortagga Lacag-dhaqidda iyo La-dagaallanka Maalgelinta Argagixisada.
Go'aanka oo ku taariikhaysan 13-ka Oktoobar 2026, summaddiisuna tahay GQKL/LMA/004/2026, ayaa lagu sheegay in guddigu uu qiimeeyey xog, macluumaad iyo caddeymo la xiriira dadka lagu daray liiska.
Liiska cusub ee cunaqabateynta maaliyadeed ayaa ka kooban 10 qof oo kala ah:
- Cabdicasiis Xasan Maxamed (Laftagareen)
- Xasan Cabdulqaadir Maxamed
- Mahad Cabdiraxmaan Aadan (Shub)
- Ibraahim Aadan Cali (Najah)
- Xasan Cabdi Maxamed (Ugaas Xasan)
- Cabdullaahi Cali Watiin
- Cabdifataax Mahad Cabdiraxmaan
- Cabdimajiid Mowliid Xasan
- Amiin Mad Daruur
- Abshir Aadan Isaaq
Guddiga ayaa sheegay in dadkaasi looga shakisan yahay inay ka tirsan yihiin, xiriir la leeyihiin ama la shaqeeyaan ururka Al-Shabaab, ama ay ku lug leeyihiin maalgelinta iyo taageeridda falalka argagixisada.
