Muqdisho (Dawan)— Soomaaliya iyo Shiinaha ayaa falanqeeyay qaababka loo xoojin karo iskaashiga laba-geesoodka ah ee dhinacyada ganacsiga iyo amniga gobolka, intii uu socday kulan rasmi ah oo ka dhacay caasimadda Muqdisho.
Wada-hadalladan ayaa yimid ka dib kulan dhex maray Wasiirka Arrimaha Dibadda Soomaaliya, Cabdisalaam Cali, iyo Ergayga Gaarka ah ee Shiinaha u qaabilsan Geeska Afrika, Hu Bin (Xue Bing), halkaas oo labada dhinac ay diiradda ku saareen horumarinta xiriirka dhaqaale iyo xoojinta isuduwidda arrimaha amniga iyo xasilloonida.
Wasaaradda Arrimaha Dibadda Soomaaliya ayaa xaqiijisay in Shiinuhu uu dib u cusboonaysiiyay taageeradiisa ku aaddan madax-bannaanida Soomaaliya, midnimadeeda, iyo dhowrista dhulkeeda, isagoo dhanka kale ammaanay goobta istiraatiijiyadeed ee dalku ku yaallo oo ah marin muhiim u ah ganacsiga gobolka.
