Soomaaliya (Dawan) – Wasaaradda Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya ayaa si rasmi ah u beenisay dukumeenti lagu faafiyay baraha bulshada oo lagu sheegay in Soomaaliya ay taageero u muujisay Jamhuuriyadda Islaamiga ah ee Iiraan.
Bayaanka ay wasaaraddu soo saartay ayaa lagu caddeeyay in dukumeentiga cinwaankiisu yahay “Soomaaliya oo dib u xaqiijisay taageeradeeda Jamhuuriyadda Islaamiga ah ee Iiraan” uu yahay mid been abuur ah, isla markaana aanu ka soo bixin Wasaaradda Arrimaha Dibadda.
“Wasaaradda Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya waxay xaqiijinaysaa in dukumeentiga la baahiyay ee ee cinwaankiisu yahay ‘Soomaaliya oo dib u xaqiijisay taageeradeeda Jamhuuriyadda Islaamiga ah ee Iiraan’ uu yahay mid been abuur ah, isla markaana aanu ka soo bixin Wasaaradda,” ayaa lagu yiri war-saxaafadeed ka soo baxay wasaaradda.
