Maxay ku xiran tahay sii socoshada taageerada milatari ee uu Mareykanka siiyo Soomaaliya?

Muqdisho (Dawan) – Taliyaha Taliska Ciidamada Mareykanka ee Qaaradda Afrika (AFRICOM), Jeneraal Dagvin R. Anderson, ayaa sheegay in sii wadidda taageerada milatari ee Mareykanku siiyo Soomaaliya ay ku xirnaan doonto horumar muuqda oo laga sameeyo dagaalka lagula jiro argagixisada, isagoo tilmaamay in taageeradaas ay wajahayso tartan ka imanaya howlgallo iyo mudnaano milatari oo kale oo Mareykanku ku leeyahay meelo kala duwan oo dunida ah.

Anderson ayaa hadalkan ku sheegay wareysi ay maanta oo Jimco ah baahisay Safaaradda Mareykanka ee Muqdisho, isagoo xusay in agabka milatari ee AFRICOM u qoondeyso Soomaaliya si joogto ah loo barbar dhigo baahiyaha kale ee amni ee Mareykanka, isla markaana sii joogteyntiisu ay u baahan tahay in la muujiyo waxtarka iyo natiijooyinka laga gaarayo.

Wuxuu sheegay in hore loo soo jeediyay in agabkaas loo wareejiyo goobaha kale ee hawlgallada milatari, hase yeeshee horumarka laga sameeyay dagaalka lagula jiro Al-Qaacida iyo Daacish uu ilaa hadda sabab u noqday in taageeradaasi sii ahaato mid Soomaaliya loo qoondeeyo.

Jeneraal Anderson ayaa yiri:

"Inta aan awoodno inaan muujinno in horumarku sii socdo oo aan ka hortageyno khatarta wadajirka ah ee ah argagixisada ay metelaan Al-Qaacida iyo Daacish, waxaan awoodi doonaa inaan caddeeyo sababta agabkan loogu sii adeegsanayo halkan. Laakiin haddii loo adeegsado meelo kale iyo ujeeddooyin kale, way adkaan doontaa inaan sharaxo sababta ay halkan u sii yaallaan, iyadoo ay jiraan baahiyo badan oo loo qabo."

Wuxuu xaqiijiyay inuu aaminsan yahay muhiimadda howlgalka Mareykanka ee Soomaaliya iyo taageerada la siiyo dowladda Soomaaliya ee dagaalka ka dhanka ah argagixisada, balse wuxuu carrabka ku adkeeyay in sii socoshada howlgalkaasi ay u baahan tahay in la muujiyo horumar joogto ah.

"Waxaan aaminsanahay howlgalkan, waxaanan aaminsanahay inaan idin garab istaagno dagaalka lagula jiro argagixisada, laakiin waa inaan aragnaa horumarkan," ayuu yiri.

Taliyaha AFRICOM ayaa sidoo kale sheegay in agabka milatari ee Mareykanka ee loo adeegsado Soomaaliya uu tartan kala kulmayo waajibaadyo kale oo milatari oo Mareykanku ku leeyahay caalamka, kuwaas oo ay ka mid yihiin dagaalka Ukraine iyo xaaladaha amni ee Bariga Dhexe.

Maxay ku xiran tahay sii socoshada taageerada milatari ee uu Mareykanka siiyo Soomaaliya?

Taliyaha AFRICOM: Dhismaha Ciidamada Danab waa la dhammaystiray, mas’uuliyadda horumarintoodana waxay saaran tahay Soomaaliya

AFRICOM oo beenisay inuu jiro qorshe Mareykan uu saldhig ciidan uga dhisayo Somaliland

Imisa ayaa la qorsheeyay in AUSSOM ku wareejiso mas’uuliyadda amniga Soomaaliya?

Taliyaha AFRICOM: Ciidamada Soomaaliya waxay dib ula wareegayaan deegaanno horay looga xoreeyay Al-Shabaab

Maqaallo La Xidhiidha

Taliyaha AFRICOM: Khilaafaadka siyaasadeed wuxuu wiiqi karaa sii socoshada taageerada Mareykanka ee Soomaaliya

Xasan Sheekh oo diiday in arrimaha siyaasadda gudaha lagu daro warmurtiyeedka Shirka AUSSOM

U gaar ah Dawan Media: Madaxweynaha Soomaaliya oo ku hanjabay inuu xilka ka qaadi doono wasiirrada ku safra baasaboorrada ajnabiga ah

Qoraallo Cusub

Maxay ku xiran tahay sii socoshada taageerada milatari ee uu Mareykanka siiyo Soomaaliya?

Taliyaha AFRICOM: Dhismaha Ciidamada Danab waa la dhammaystiray, mas’uuliyadda horumarintoodana waxay saaran tahay Soomaaliya

AFRICOM oo beenisay inuu jiro qorshe Mareykan uu saldhig ciidan uga dhisayo Somaliland

Qaybaha