Maqaalka waa la soo dejinayaa...

Soo raraya...

Muxuu Dastuurku ka qabaa is-sharraxidda Aadan Madoobe ee K/Galbeed? | Dawan TV | Dawan TV

Muxuu Dastuurku ka qabaa is-sharraxidda Aadan Madoobe ee K/Galbeed?

Guddoomiyaha Golaha Shacabka Aadan Madoobe ayaa Baydhabo kaga dhawaaqay musharraxnimadiisa Madaxweynaha Koonfur Galbeed, taasoo dhalisay dood sharci oo ku saabsan Dastuurka iyo xil hayntiisa federaalka.

May 2, 2026

2 daqiiqo akhris

Waxaa qoray Aadan Geesey - Reporter

Baydhabo (Dawan)- Guddoomiyaha Golaha Shacabka, Sheekh Aadan Maxamed Nuur “Aadan Madoobe”, ayaa shalay oo Jimce ahayd magaalada Baydhabo kaga dhawaaqay inuu yahay musharrax u taagan xilka Madaxweynaha Koonfur Galbeed.

Arrintan ayaa dhalisay su’aal sharci ah: ma tartami karaa isagoo weli ah xildhibaan federaal ah?

Dastuurka 2012

Dastuurka Ku-meelgaarka ah ee 2012 si cad uma mamnuucayo in xildhibaan federaal ah ama Guddoomiyaha Golaha Shacabka uu isu sharraxo xil dowlad-goboleed.

Si kastaba ha ahaatee, Qodobka 59-aad, faqraddiisa 1-aad, xarafka (e) wuxuu dhigayaa in xubin ka tirsan Baarlamaanka Federaalka ay lumin karto xubinnimadeeda: “Haddii ay xubintu aqbasho xil dowladeed oo aan wasiir ahayn.”

Maqaallo la xidhiidha

4 daqiiqo kahor

Maxay isku darsadeen Xaqsoor iyo Haybad Qaran?

9 daqiiqo kahor

Muxuu yahay Barnaamijka lagu ilaalinayo Xaquuqda Shaqaalaha Soomaaliyeed?

Dastuurka 2026

Dastuurka Federaalka ee 2026 isaguna si toos ah uma mamnuucayo musharraxnimada. Hase yeeshee, Qodobka 81-aad, faqraddiisa 1-aad, xarafka (f) wuxuu dhigaya in xubinnimada Baarlamaanka Federaalka lagu lumin karo: “Aqbalaadda xil kale oo dowladeed oo ka tirsan heerarka kala duwan ee dowladda.”

Gunaanad

Labada Dastuur midkoodna si cad uma mamnuucayo ku dhawaaqista musharraxnimada Aadan Madoobe. Si kastaba, haddii uu ku guuleysto xilka Madaxweynaha Koonfur Galbeed isla markaana uu aqbalo, waxaa dhalan karta dood sharci ah oo ku saabsan luminta xubinnimadiisa Golaha Shacabka, taasoo si toos ah u saameyn karta sii haynta xilka Guddoomiyaha Golaha Shacabka.

Marka la soo koobo:ma muuqdo sharci si cad u mamnuucaya musharraxnimada Aadan Madoobe balse aqbalaadda xilka ayaa ah halka caqabadda dastuuriga ah ka bilaaban karto.